April 3, 2008
-
humour based on knowledge
「朋友」跟「老媽」終於有個相似點,就是很喜歡叫我找女朋友。
講左 N 咁多次,我係冇諗住搵女朋友,唔係「唔追女仔」。得閒不如飲杯茶食個包,冇咁煩。
魚頭和琪miss都說自己像「乾物女」,那麼在下不就是乾魚男乙條嘛。
看到螢之光的廣告,覺得就像電車男一樣,都是在以「拯救」來歧視某些不適應主流生活的人。--------------
在「聞見思錄」那邊見到這個笑話﹕戈林
(聞見思錄)當我「陰陰嘴笑」時,被一個中一手下見到了(沒辦法,在圖書館,就是休息中也對著學生的……),湊過來問﹕「有甚麼好笑﹖」
我﹕「俾你睇你都唔識笑架啦。」
他堅持要看,於是就給他看。他看完後完全沒有感覺。
我﹕「都話左你睇唔明架啦。」不是好老師的榜樣喔﹖想來也是。
是我耐性不夠,應該解釋給他聽這笑話如何好笑,甚至舉例﹕果凍﹕毛澤凍
石廠﹕蔣介石廠 (其實毛澤東廠也成)
「仙跡林」改名「史太林」
酒家﹕鄧小瓶
航空公司﹕李鵬飛機公司
樓盤﹕董建華庭 (字面上倒不錯﹕懂得興建華庭)
武館﹕曾蔭拳館
零食﹕小布薯片 (阿爾蓋達終於可以「壯志飢餐胡虜肉」)
……等等如果不怕給人炒的話,甚至可以把椰撻改為「煮椰酥」。(敢賣的那間大概叫「猶大餅店」)(畫外音﹕其實一點也不好笑,我們不是已經有「德成僱傭」了嗎﹖)
(註﹕那家公司叫「得成僱傭」)
Comments (24)
//毛澤東廠//
呢個正
方兄…加油啦…是時候找返個啦…你那麼多女fans…考慮下啦
我唔識魚頭,但恕小弟亂點鴛鴦譜,如果魚頭同你都係無拍拖,可以考慮一下對方的可能性。
(好,我可以考慮加入新加坡社交發展署,逃)
@raymondwoo -
這一點,我絕對認同肥醫生。
我就話缺乏女fans
世澤兄談的是政治,大部份女仔都是政治冷感的…不過以世澤兄的人際網絡,我倒不用為你愁
我經常見到jac和魚頭在方兄這兒留言,如果她倆都沒有拍拖,方兄有沒有留意一下人呢?
方兄的問題,會不會在於把情感收在心中,不作主動,致使緣份與自己擦身而過而不自知呢…
@raymondwoo -
//nod 係方老師冇自信, 怕再傷到人心, 其實係溫柔既一面黎架...
@arttacker -
小黑的維港巨星匯系列, 有一個西九機械人, 其rocket punch的名字不是"西九飛拳", 而是"曾蔭拳"!
@chemhazard - 慘,原來俾人捷足先登……
@raymondwoo - @martinoei - 兩位媒人公,去問下人地先啦下。
呢篇文個主題係下面個笑話呀……
我想起,新的樓盤大可以叫做「陳祖宅」,買樓人士如姓陳者,額外九折,買家可以享有九巴乘車折扣優惠
@fongyun -人地即係點姐
「陳祖宅」
掂!!!!!
我還以為方弟一直暗戀的是琪 miss 呢!不然就是那位「好同學」:p
(即走~~~)
(又返嚟^^)
> 我係冇諗住搵女朋友,唔係「唔追女仔」。
這句好像解不通......
又,人哋好似叫「聞見思錄」喎!嚇到我以為自己一直寫錯 :<
@chestnut_girl - 1. 收到,即改。
2. 「我係女人,唔係阿媽」,明未﹖
「追女仔」係「搵女朋友」既 subset。
> 「追女仔」係「搵女朋友」既 subset
唔明。追完女仔唔俾人做你女朋友?這豈不是玩弄感情?
看不到圖中的字啊,不懂笑...... 只看到XI God------ 2312 8238 ??????
@chestnut_girl - 「搵女朋友」可以不用「追」女仔的,人家可以一見鍾情...... 也可以人家追男仔。
算吧,之前方潤的post都講得好清楚
對方潤有意思的,請坦白向他表白就是。
Frostig: 方生話佢會追女仔,但不搵女朋友,這不是玩弄感情是甚麼?
martinoei: 日記主人的性格如此可怕,就算有意的,早都讓他嚇跑了 :p
@chestnut_girl - 外交部發言人口吻﹕「說方某會追女仔,純屬誣蔑。」
新加坡社交發展署模式:
唔知方生有無考慮過chestnut?
@martinoei - 這是禁止事項。
@martinoei - 為何外交部發言人會說這是禁止事項?理由有二:
一、chestnut 是男人 (You see, chestnut is a friend of mine)
二、chestnut 的年紀比他大 (chestnut girl 的年紀都是比他大)
另外,方生,好似係你自己話「唔係唔追女仔」架喎!邊個得閒誣蔑你 :<
@chestnut_girl - 我唔係話自己「唔係阿媽」,我只係話自己「唔係女人」。請想清楚這邏輯關係。
唔,我嘅邏輯一向好差的,所以還是算了吧。
End of conversation : p
Sorry... I found the 'words' on the link... CRAZY!!!!!! :-O Hahaha!
Comments are closed.