February 11, 2011

  • 埃及人民的勝利，似乎更引證了為何中共要死抓槍桿子。當軍隊不願意為政權屠殺人民時，中共可以調另一支軍隊進城，穆巴拉克卻無可奈何。當軍隊和美國都不敢明目張膽企硬支持他，穆唯有下台。

    革命尚未成功，埃及人民仍須努力。

    (當然，軍隊不企硬支持穆的原因，正是因為美國不這樣做。美國是埃及軍隊的贊助人。)

    (Tommy大﹕放心，香港不會有洋紫荊革命)
    (MM Days﹕埃及暴動觀察﹕關閉境內網絡是否真的可行﹖、我們可以多說一點「不知道」)

    ---------------

    [難頂廣告]

    其一，連畢明也忍不住出聲批評的AM730「有品」廣告。看完也不明廣告公司想搞什麼。

    其二，竟然想得出把「phospholipid」(磷脂，並不是甚麼特別的東西)縮寫成「PhD」的奶粉廣告。(這種想像力令人驚嘆)

    其三，最近一輯萬寧廣告，當小朋友不肯吃藥時，竟然﹕

    藥劑師兄﹕不如食粒糖先啦﹗

    店員妹妹﹕仲係士多啤梨味添﹗

    第一次見到已經不順眼，因為自小對醫藥有興趣的在下，已不斷在書裡見到類似的警告﹕

    不要為了哄小朋友服藥而引導他們藥物是「糖果」或以「糖果」稱呼

    (摘自香港醫院藥劑師學會—存放藥物要小心，隨處亂放意外生)

    簡單點說，廣告裡那個「藥劑師」的表現根本是完全背離了專業學會的呼籲的要求。
    而且只要上網隨便找找，就可以見到很多兒童把藥當糖果誤服的例子。

    我諗d藥劑師真係多得佢地唔少。

Comments (10)

  • Ph.D，頂。

  • 祝埃及人民好運.中東局勢發展,足以影響全球穩定.我相信希拉里最近冇覺好睡.

  • permanent head damage
    我細個真心鍾意吃藥在沒有被誤導的情況下偷吃了藥

  • @hayate_hayate - 「企硬，take野衰硬」，咁都得妳食到又大又聰明……

  • 完全同意。方大點出了要點。我一路都冇諗到，呃小朋友當藥係糖聽落真係好危險。

  • 原來畢明也撰文插730的廣告啊。談談AD，真係學到野。
    我也特此提供全文連結：
    http://www.am730.com.hk/text/article.php?article=42499

  • 因為度橋嗰個唔係藥劑師,可能完全沒看過相關的警告。

    其實phospholipid係乜?

  • @嘉 - 呢個誤解好普遍，問題係度橋同聽橋既人，冇一個諗過要問下藥劑師。

    不是有links了麼﹖其實係一種普遍到不行，不需要特別找來吃的東西。(當然奶粉廣告好多時都係咁，反正奶粉成份有嚴格要求，不能亂加東西，於是唯有求其吹噓一通。DHA我地問教授都話唔知，睇罐頭先知原來只不過係一種脂肪酸……)

  • 係有LINK, 但係睇完我都唔知係乜(我理科知識得中三水平)。
    如果要搵個藥劑師嚟問, 我會好唔得閒。要搵專業人士好麻煩的, 分分鐘搵一頭半個月都冇人肯理你。而且要問, 差唔多成集度度都要搵人問……邊有咁多人可以俾你問。

  • @%E5%98%89 - 中文維基果兩段都幫妳唔到﹖

    脂肪係長鏈狀、疏水性的分子。磷酸係親水性的。兩者結合就成為有一個親水的頭、疏水的尾的分子(跟洗潔清有點像)。這樣的分子，把疏水的尾碰在一起排開去，可以組成細胞膜，可細胞和外面的世界分隔開。

Comments are closed.

Post a Comment