December 22, 2010
-
最近葵青區議會慶祝成立廿五周年(葵青區是脫離荃灣區成立的，很明顯是一種分裂祖國的「葵獨」運動
)，在葵青劇院放了一些展板，其中有一張這樣的照片﹕
有個太太說那學校是陳黎繡珍，但很明顯她是錯的。(陳黎夾在山頂和山谷之間的一片狹地，拍不到這樣的)
這應該是現在的長青巴士總站(名是這樣叫，但其實在長康)，旁邊一塊平整了的空地，應是後來的長青社區會堂。背後的小學應該是現在已被殺校，改成所謂「國民教育服務中心」的那幢。
----------------
臨近聖誕，向學生播這兩首歌，被他們嫌悶﹕(歌詞)
咁又係，黃霑都死左咁耐，我們都老了。
逢聖誕咯就要講恭喜，燈飾鋪滿殖民地。
逢聖誕就凍得飛起，今年張被跌落o黎。
坦克嘉年華冇掟避，港九新聞拍特技。<---(中共聲稱解放軍殺人鏡頭乃外國傳媒偽造)
諮委草委唱大戲，D諧劇最o岩聖誕報喜。
皆因一經過六四，成日送機，冇晒鄉里。<---(移民潮)逢聖誕就要飲新地，井水溝至係和味。<---(如片段裡的留言，重點是「河水不犯井水」的比喻)
逢聖誕咯就串燒雞脾，今年一燒燒到眼眉。
中英周時鬥大鼻，街坊睇o黎都要預備。
中央抽獎送大禮，成十億，要你照起。
皆因一經過六四，橫掂慶祝，慶到喘氣。逢聖誕望救主爭氣，祖宗打救呢個殖民地。
逢聖誕護照爭餐死，飛得起都咪靠米字旗。<---(新加坡政府乘機廣招移民，派表攤位被迫爆)
開希 家其有掟避，花都巴黎佢o地有陣地。
恭祝新禧唱萬里，人大照開，佢台詞流利。
皆因一經過o左六四，橫掂冇死，我會等你。(又﹕其實古人說「河水不犯井水」，很明顯是不識水文。因為在地下水的角度看，河水井水實為一體。當然，如果以河水「滲透」井水的角度看，以河水井水比喻中港，亦恰如其分也。)
Comments (6)
個間學校校名，有五隻字，叫衞理信小學。時人戲稱「搵你信小學」。後尾張氏宗親總會接手，改名張氏宗親總會張熾昌小學。最後都敵唔過人口老化，新校競爭而執笠。家下係國民敎育中心。
最近巴士總站嘅，該係郭怡雅神父紀念學校，不過啱啱喺鏡頭之外。可能幅相空曠，啲人先誤以爲係四邑工商總會陳黎繡珍紀念學校。要拍可以上山拍，都無話唔得嘅。
個長青巴士總站算喺長青邨地界內，連同長青社區中心。家下區議員話爭取橋邊起斜臺，之前有誤以爲只涉長康邨範圍，後尾先知山呢邊，係長青邨地界。
話時話，葵涌及青衣區分咗出去，當時香港由十八區變十九區。後尾油尖區同旺角區合拼，又變返家下十八區。
鄧小平 is coming to town!
@ruby_omnibus - 你講起我就記得，仲有個鄰居讀過添。不過實在太少理會它。
反而奇怪相中看不到長康商場。
係o係長青村界內，不過其實是長康人去仲方便過長青人。有半個長青村都唔近果頭。
最抵死係長青同長康分區的議員似乎意見不合。
@fongyun -
長青邨同長康邨係同根，一期長青邨，二到五期長康邨。地勢令長青邨極度分散，下三／四座近街市商場，上四座近巴士站同社區中心。因爲有條橋通去長康邨商場，又唔近長青邨商場，巴士總站誤以爲歸長康邨都唔奇。
起都有先後，長康邨商場起都唔奇。起長康邨時，青康路都係去到長青巴士總站無幾遠，重係條掘頭路。
兩位議員有乜唔啱牙？
青衣早期有青衣關注組，之後唔知係分裂定另開，冒咗個青衣行動組。不過呢啲就唔清楚，呢帶政治取向好似比模糊。是任李志強，同早年青衣關注組嘅李志輝唔知有無關係。徐曉杰係丁衍華接班人，丁衍華應該係青衣行動組搞手。
@ruby_omnibus - 我成日都話，長青村根本唔係一條村。淨係地勢已經分三段。
「青康路都係去到長青巴士總站無幾遠，重係條掘頭路」---->呢樣我倒不知，搬來時長安都就起好了。
「兩位議員有乜唔啱牙？」--->一個話成功爭取(爬樓梯機)，另一個話極度不滿(未有電梯)。XD
李志強上屆自動當選後，立即出banner為鄰區的民建聯候選人拉票，立場可知。
Comments are closed.