敢問方兄, 咩叫建制派?

@fongyun - 

咁我又問你咩叫泛民?
維基「泛指支持香港推行民主及普選的政治及社會人物」
民建聯當年都支持0708雙普選, 點解佢又係建制派?
「泛民主派並無正式定義，但有一些共同訴求，一般包括要求行政長官和立法會儘快推行全面普選、注重監察政府運作、視「人權」、「平等」、「公義」、「言論自由」等為社會的重要價值」
平等? 佢地口中仍然爭取, 但行動上呢? 而家呢個方案又平等咩?

正如我曾提一次不忠百次不用,我和許多人都無法承認合理化功能組別既白鴿黨做泛民,
同樣道理在我們眼中,接納民主黨方案的人只是民主黨支持者

或者咁講，今日表態支持民主黨GE決定(而非方案本身)，我已經唔當佢係泛民支持者
方案本身我覺得可以理解為手法ge不同，縱使我認為呢個方案簡直係倒行逆施，講左方案先再數民主黨
特首選舉門檻提升就已經係荒謬絕倫，所謂按比例提升，咁直選三百六十萬選民左右，咪要近五十萬提名？唔係拎唔拎到五十票問題，而係呢度完全已經係掉頭GE問題
區議會方案一樣爛，既然呢個「新增」功能組別不能用完即棄過完橋就抽板，姐係會長存啦？咁傳統功能組別又會被取締？假設「新增」ge選舉方法推廣至全部界別，鄉議局齋出一個劉皇發，你又可以奈佢咩何？
再黎，普選時間表、路線圖一直從缺，可以普選呢一句並非承諾

所有泛民支持者，我假設佢認同煲呔版2012政改方案係難以接受(事實上泛民一眾代議士都唔接受政府原版方案，我假設佢地準備代表選民立場)
而家民主黨出左一個改版方案，係原版方案稍作修飾，只改一個區議會方案，難道方案GE錯只係在於一個區議會間選？
千秋萬世ge功能組別，分組點票等已經夠弊，但仲未算，當呢個方案推到其他界別，例如鄉議局只推一個劉皇發出黎選，然後一樣可以講三百萬民意代表
而特首選舉辨法，更加係毫無修改，等於特衰比屎你食，你唔肯，民主黨係篤屎上面搽密糖，仲同特衰一齊夾手夾腳撐開你把口逼你食，此舉本身就係最大ge不民主
民主黨講改良方案得大部份民意支持，但據我所知得港大中大兩份調查係極短時間內做得夠快問得切人，而兩份民調顯示方案支持率都不能達至67%，呢d就係民主黨所講ge「主流民意」！
強姦民意ge民主黨，扭曲民意ge民主黨，民主黨支持者可以憑良心講一句，呢個民主黨係真正追求民主？既然無三份二巿民支持，民主黨係咪學社民連「挾持」選票？
方案本身ge問題其實只佔民主黨問題ge一小部份，劉慧卿講過退黨又食言，司徒華話選民支持某d議員係因為民主黨ge名，視選民如無物ge傲慢發言、行動，已經令廣大泛民支持者失望
民主黨支持者，對佢地挾持民意視若無睹，對佢地當選民係白痴、侮辱選民選黨名唔選人、動輒出爾反爾、立場一退再退ge言論甘之如飴，無原則無底線地堅持一味退讓，甚至令人懷疑仲有無獨立思考ge能力
如果黃毓民侮辱佢ge政敵係咁令政治潔癖ge「溫和」泛民咁厭惡，點解今日司徒華公然侮辱選民反而係贏得掌聲？呢d人你叫人點當佢係泛民支持者？
再者，鄭家富退黨講明左一個事實，就係六位政改委員黑箱討論曬，話之你創黨會員一樣蒙在鼓裡，民主黨真係夠曬民主啦，連黨內都咁黑箱仲民乜主？你期待黨內黑箱ge政黨會黨外民主？
司徒華ge數次發言，更加只令我諗起毛、鄧。有病唔鬧得？咁唔好再追究六四啦，人地鄧小平老人痴呆發神經講左一句之嘛，咁又得唔得丫？
民主黨以民主命名就真係民主？民主建港聯盟夠用民主二字啦，判別是非唔係要聽其言觀其行，反而係聽花言巧語？

假設你比人強姦緊，你會唔會支持一個幫兇，話個幫兇係用佢最大ge能力黎幫你減輕痛楚？一路撐幫兇、學習享受強姦ge人，又有無法治ge精神？
心入面無民主概念，無民主理想，更遑論為民主奉獻ge人，泛民支持者喎……

其實我發覺我已經無乜好講，實在民主黨支持者全部持雙重標準做人架？
政府數夠票企圖快刀斬亂麻強過23條失敗、強過高鐵，叫做強姦民意
民主黨同政府講掂數數夠票快刀斬亂麻過政改，叫「應該暫緩比人家諗清楚」
咁仲有乜好講姐，除非民主黨支持者話，一路以黎無鬧過一句特衰強姦民意，不過咁係咪叫建制支持者貼切d？

而家面對民主黨強姦民意，民主黨支持者要視若無睹
政改方案原版前後幾多份民調？普選聯/民主黨版有幾多份民調？數量已經嚴重證明討論不足
根本你改良方案姐係唔同原版，同原先要表決ge係兩樣野，何止要延期，重新排期擇日表決先正確
決定權在政府，何俊仁你呢句呃鬼咩？
劉慧卿6月中話，民主黨支持一個唔包括路線圖ge方案就退黨，6月尾佢向表決前，為一個無路線圖ge方案大叫起錨
都算，原來個方案四月已經構思中，姐係你一路構思無路線圖ge方案，一路大叫無路線圖就誓不罷休啦？姐係欺騙巿民啦？
正常人比人呃唔多唔少都有火，係民主黨支持者結構咁奇特，人地呃你仲要同情地理解佢
司徒華唔係侮辱選民？民主黨係新界東幾多張名單，我係投民主黨投劉慧卿唔得？
佢唔單止侮辱鄭家富靠民主黨個名先選到，更侮辱因鄭家富個人實績而選佢ge選民
要講的話，民主黨的確提供左一個平台，以及動員佢ge選舉機制比參選人發表意見，但佢咁講等同話選民係唔睇參選人政綱只睇黨名ge白痴，亦顯示佢對跟隨民主黨十六年ge鄭家富有幾多分感情
司徒華仲夠膽話叫巿民睇清長毛人格，最應睇清ge，就係每年六四借先烈英靈呃政治茶飯食ge司徒華本人係咩人格
民主黨方案有無問題唔重要，你民主黨忘記你只係代議，僭越呢個位，無視方案得唔到三分二巿民支持企圖並將會強行通過ge行為，就係出賣民主
佢係屎上加蜜糖，話改良左入口味道同營養梗係無問題啦，問題係你而家拎把鉗鉗開我把口倒落黎丫嘛，大佬
坊間除左興以屎為喻，仲有第二個比喻，就係上床
一個花花公子同你拍拖，用結婚作借口氹你，想同你上床，你無視佢過往實績有幾花而選擇相信，咁係愚蠢
當個花花公子一句聲都未講，連氹你都懶，而你自己爆埋房除埋衫比人搞，聲稱用上床爭取結婚，咁叫犯賤
我相信一個人總能夠明白，犯賤同愚蠢有咩分別掛？

我慶幸我係一個八十後，無見過司徒華以前真心為民主果個樣，所以我先可以唔受過去呢個幻象所惑，黎審視現在呢一個瞬間
人會變，正如當年為堅持理想，作為政治犯成為階下囚ge陳水扁，唔係當選總統、貪污舞弊萬人唾棄ge陳水扁
台灣之子都可以變台灣之恥，何以司徒華就唔會變？
民主黨支持者，你地請睇真d而家ge司徒華，對持不同意見ge黨友作出咩評價？
到人地批評佢啦，就用病重作借口，應該體恤年老體弱ge老人家
呢副咀臉，同毛、鄧ge大獨裁者，同溫和泛民最最最討厭，已經日漸民粹化ge黃教主有幾大分別？
有，毛鄧ge權力足以壓到所有敵人自動收聲，無敵於天下
黃教主以伶牙俐齒，將狙擊佢ge人全部鬧曬，倒打一把
但兩者都尚有承擔，唔會比人一批評就做縮頭烏龜
司徒華ge行徑只能用考評局創造ge潮語黎形容，叫潛水怕屈機
有，毛鄧擺明反佢只會見馬克思，你只能做順民，無得唔做，因為死人唔會識反抗
黃教主就算完全民粹化，都要靠民，而全民永遠瘋狂係無可能
司徒華係度做緊ge，就係言論打壓，就係現時中共最鐘意ge河蟹，不過比河蟹更樣衰咁解
「我地無放棄17/20……聽一邊唔聽一邊……」實際佢係咪當香港人手指都唔識數姐？
仲有12同16兩次立會選舉到20，我地希望有全面直選ge立會，而家你話12加到35個？咁16點搞先搞得到呢？你傻架？定你當香港人傻架？
病到手指都唔記得點數，講兩句就話要休息，理論上應該無能力參與一個完整ge會議，就好心你番屋企休養，病好先再出黎講野
家陣病左無責任放咀炮，有你鬧人無人鬧到你，一元堂討論真係好民主
當民主派支持者責問政府原版方案時，大部份問題都可以照搬落現方案，包括余若薇代博主所問ge問題，當時全民一致讚好，余大狀大贏七比一
但當方案變成民主黨提出啦，民主黨議員係立會講果d野簡直係好似向特首講稿cut出黎咁啦，突然各位忘記曬d point其實係比余若薇逐點擊破過
突然大家立場由政改咁大件事，點可以茫無頭緒求其郁幾下；我地起錨起去邊；我地寧願原地踏步不要行差踏錯，變成特衰官腔香港政制不可了無寸進啦…變臉之快簡直令人懷疑表態支持民主黨係咪有錢收定海鮮團
民主黨固然做得樣衰，民主黨支持者d對人不對事，雙重標準ge樣衰程度又好得去邊？
有說踐踏一個理論最有效ge方法，就係把口宣稱支持該理論，但行為倒行逆施，民主黨，更直接講司徒華就示範左啦
趙紫陽會見戈爾巴喬夫明示過，中國共產黨係鄧小平ge黨，由87年打後黨內所有決定都由鄧小平同志決定
咁今日ge香港民主黨，一定係司徒華ge黨啦，黨主席何俊仁都唔夠佢威，資深黨員就可以公開代表黨發言多過正副主席，剷創黨主席不留任何情面，再旋即有嘍囉呼應附和
有人叫司徒華做司徒老狗，我深表反對，請果d人唔好侮辱左狗啦
支持一個獨裁者領導ge政黨繼續踐踏民主，咁又叫唔叫泛民支持者？

話說，博主提及劉慧卿同示威者呃手係作死，我一樣深表反對
我係陰謀論架la，而家中共政府突然大開綠燈，土共突然向民主黨伸欖檻枝，絕對有合理理由懷疑民主黨變節投誠，而所有人均無法否定呢個可能
假設陰謀論屬實，點可以得失未來選民？遲下靠佢地鐵票搵食架
以民主黨ge動員機制，黨員長期直選訓練ge口才及應變，均較只靠大水喉ge敗家仔民建聯優勝
既然投誠做左中共新歡，同等條件下，取代民建聯重奪立會第一大黨ge地位並非難事
再加上民主黨長期佔領道德高地，政治明星眾多，對中間選民，更直白講係政治冷感選民有一定吸引力
本來我仲以為建制過票需要解開心結，怕且12民主黨要過一過冷河，17先重振聲威，無諗到政治真係一日都嫌長，心結48小時煙消雲散
果真如此，民主黨員而家所謂受選票制裁ge講法根本就係輕蔑泛民選民，係民主黨飛你唔要你，更可借12年選票「證明當日無錯」
當然，一切基於陰謀論成立而言，但民主黨辯稱同中共無任何枱底交易，真係當香港人眼盲？

我先將維基問題 set aside，方潤，有一樣野我真的好唔甘心。

當年司徒華將杜葉錫恩與劉千石打成牛鬼蛇神，話劉千石出賣香港民主（以出賣耶穌的猶大為比喻），將杜葉錫恩踢出議會，杜太去選邊度司徒華就追到去邊度狙擊佢。劉千石與杜葉錫恩都為香港民主貢獻超過十年，即使當時都是元老級。司徒華過去的所作所為，都是他真心相信的事嗎？

我唔會話民主黨係建制派，但我唔知道，出賣選民信任的，該叫做乜野派。乜守護佢地二十年的選民係咁廉價的麼？

這絕不是社民連一方的論述。