March 5, 2007

  • 魚頭那邊見到的文，不如轉貼﹕

    明報—中大學生會被轟帳目不清

    1. 代會長說﹕「代表會應監察我們有否執行政綱，而非單單著眼於用錢。」

    真係唔好意思，佢似乎唔知道代表會從來都唔得閒理政綱(D咁空泛既野我地唔想理—因為要拗幹事會有否執行政綱，拗到大家畢埋業都唔會有答案)，只會理會章同盤數(拗違唔違章、條數有冇問題，無論如何都客觀過拗政綱)。
    雖然報社老鬼o係《中大四十年》話代表會只識講章，但係如果代表會唔講章同錢的話，不如摺埋。

    有人話代表會好官僚，但係學生會呢種「個個向前衝」既機構，正係需要有人做官僚。這世界係要有陰同陽的。
    (我在校友會同樣提倡這個。會長多諗頭、樣樣想搞，有在下這種官僚當副會長平衡一下，剛剛好。)

    2. 至於罷免幹事會嘛……選上去都咁難，罷免仲難。
    (其實三大組織足票上任，很大程度上是靠代表會選委拉長投票期換來的。如果投票期沒那麼長，很難令所有願意「有莊」的同學都投了票。)

    不過代表會竟然會「自招麻煩」去搞罷免公投(需知班代表大多「頹爆」，免得過乜都唔好做)，可見呢個莊肯定好乞人憎，班代表可能已經忍左佢好耐……(所以先會決定搞公投都要迫佢落台——你估守票站好過癮乎﹖)

    我對畢業後的學生會一無所知，不過根據我對代表會的認識，
    我諗幹事會既問題，應該唔只條數唔清咁簡單。

Comments (3)

  • 幹事會常有織組不力﹐而後有人事不調。而後諸般問題﹐都離不開這一個根源。好多小事﹐冇人去做﹐或有人冇做﹐已經呢咁hea﹐盤數只是冰山一角吧。家陣學生會係咪「個個向前衝」﹐我都有點保留。衝都得有個譜掛？家陣要問個譜﹐不了了之或被窒被轉頭﹐司空見慣耶。

  • 今次事件恐怕與衝唔衝無關，幹事會是超支抑或止蝕亦難說，但可以肯定報紙佬唔會理你咁多。我對事件所知不詳，但可以說，如果連「影印機」這個關鍵字眼也說不出口，建議還是少套用刻板印象遙距吹水為妙。

  • 有時我會懷疑，我是否真的有語言障礙，為何別人總是不明白我說的話﹖

    1. 我講衝唔衝，根本唔係講緊今次事件，係講緊代表會「淨係識講章同錢」呢一點。

    2. 我向來不認同「唔知唔好講咁多」的說法，任何人都可以用這句來塞人之口(尤其一件複雜事件往往沒有一個人能得跳全貌)。
    當然，如果有人知道更多，歡迎補充指正。

    3. 我的焦點是代表會，不是幹事會。
    唯一評論到幹事會的，是「應該唔只條數唔清咁簡單」。
    此言有誤否﹖

Comments are closed.

Post a Comment