December 22, 2006

• 一早替上主站了崗，然後就是聖誕抽獎。
  沒抽獎運的方某，倒不介意看別人中獎——不過，唔好抽成粒鐘丫唔該……

  連續兩次抽了 7B。
  我拿手機來算，1/27*1/27=1/729，機會還不算太少。
  不過接連有多班連續抽中，那就明顯不是運氣的問題了。
  就整場抽獎而言，由於獎品眾多，重覆抽中同一班同學並不出奇。但短時間不斷連續抽中，就是抽樣出現問題的跡象。

  男同事議論紛紛。

  某老師﹕梗係因為紙仔抽出黎，放番落箱之後冇撈好就再抽，所以次次抽番同一個。
  (後來 W 老師透露，其實不是用紙，是用襟章貼上號碼紙作抽獎的)

  某王子﹕不如買堆籌碼黎抽啦，好平之嘛﹗

  我﹕咁不如乾脆買部玩具六合彩機囉﹗

  數學主任言帶不屑﹕用計數機都得啦﹗

  (用計算機製造 random number，當然可以。不過叫抽獎嘉賓由「抽」獎改為「狂按計算機」，似乎太殺風景了 )

  台上的學生會幹事為了氣氛，鼓勵同學高呼自己的班別和學號。

  幹事﹕叫啦叫啦，咪話唔信邪呀﹗

  我﹕(o係教會學校叫人信邪﹖)

  其實，今天還是在工作。
  今年沒有那麼多「插心杉」，所以沒有學生找我去茶會「黐餐」，那就自己開餐吧。

  前幾天「黐」圖書館的茶會，主席的小弟弟就像平時一樣，老是躲在大哥背後。

  主席﹕你勸下佢啦，唔係佢成日走黎走去，都唔食野。

  我(對小弟)﹕你令我諗起超人片集，超人(或機械人)同敵人打交果陣，總有一班嘍囉o係後面跳黎跳去(我做動作)，但係又從來冇份打既。唔好淨係走黎走去，落場食先得架。

  (其實，連大佬都唔聽，會聽我咩﹖)

  整個假期幾乎都被老媽「徵用」了，回來之後，功課應該會令我很頭痛。

  • 10:11 am
  • 2 Comments