June 15, 2006

  • 究竟無線係咪做緊《洗冤錄 3》﹖



    (tvb.com)


    歐陽震華係做緊法證，定係做警察﹖
    點解佢同班同事會成日推論案情、估誰是兇手、仲要同警方拗有冇告錯人﹖
    (兜口兜面鬧疑兇，當係劇情需要，我唔挑剔了)


    《洗冤錄》果個時代，一個官做晒咁多範，咁都好正常。
    但係現代法治社會，法證之所以要獨立成一部門，就是要確保科學檢驗不受警方影響。作為法證人員，佢既責任應該係搜清楚現場，將線索告知警方，誰是兇手、告與不告，根本唔應該理。


    現實中如果有個咁既化驗師，佢既報告上到法庭，仲唔俾辯方律師 challenge 佢 bias﹖

Comments (6)

  • 一打開你的網…見到黑色的封底和歐陽震華的頭像…嚇了一跳…以為有人死左…好驚好驚…

  • 您怪無線吧……

  • They just copy the idea from CSI (forensic scientists and investigators are the same group of people)...

  • 「但係現代法治社會，法證之所以要獨立成一部門，就是要確保科學檢驗不受警方影響。」

    同意。

    「作為法證人員，佢既責任應該係搜清楚現場，將線索告知警方，誰是兇手、告與不告，根本唔應該理。」

    你話「唔應該理」，我都同意，但我都懷疑，實際上佢地有無理？你知啦，香港地，好多應該既野實際上都係無做到既。

    不過點都好，唔理就無咁多戲。又，你令我諗起，法證唔係應該一開波就check 清楚晒d 料，跟著一獲過比晒料警方咩？又一個不過點都好，唔係咁樣驗完又驗，就無咁多戲。

  • CSI 怎麼辦案我不懂，但香港的 GL 是純粹為提供證據做法證，而不查案的。

    當然，好明顯法證人員一定有需要同警方討論案情。正如我地有左 objectives 先可以設計實驗，法證科也可以因應案件的性質使用不同的方法搜證。

    但問題是，總沒理由強勢到去 override 警方的決定吧﹖
    戲裡面那一幕，是波比同蒙嘉慧拗應唔應該告疑犯，呢樣根本係越權。
    (雖然蒙嘉慧飾演的督察真的冤枉了疑犯，但法證的責任是搜集證據、唔係查案，既然證據都唔支持起訴，留俾律政司決定就成了。)

    至於驗完又驗，現實中應該也有的。(港台的《法證先鋒》太久了，劇情記不起)
    一般而言應該在現場就立即搜出所有證據去檢驗，但如果案情有新發展，會發現有些原本沒想過要搜查的東西也不定。

  • 我家兩老一向睇亞記, 所以沒看無記這一套電視劇. 但我留意到無記有很多電視劇都是抄外國受歡迎的劇集, 如Sex & the City (-->窈窕熟女), ER (-->妙手仁心), 只是, 全部都只能勉強抄到「形似」, 正確來說是只拿外層包裝, 內容十分不專業. 要「神似」? 算了吧......
    看慣了外國的原裝, 看到香港這些不倫不類的「翻版」, 實在沒興趣看 ^^! )

Comments are closed.

Post a Comment