June 15, 2006
-
[不寒而慄]
今早無線新聞的社評摘要,頭三篇分別來自《商報》、《大公》、《文匯》……
雖然三份都係批評《最想非禮女藝人選舉》,但係唔只呢三份社評會講掛﹖將左報社評全部集中一齊講,平時好似唔係咁。
如果咁已經令人發冷的話,
《商報》社評聲稱,呢D「低級趣味」受到「當頭棒喝」云云……
你有冇諗起董伯伯點樣形容《頭條新聞》……﹖
-------------
[妖言惑眾]
在書架第一眼見到這本書,已經不爽。不過忙得要命,沒時間去細看。
近日盤點,助理「邀請」(比較好聽的說法)我選取舊書註銷,我的標準是﹕
1. 2000年或以後無人借閱、
2. 1990年以前出版、及
3. 館內有相同主題之書籍
(4. 有特別保留價值者不在此限﹕如名作、內容有參考作用)根據這標準,能夠丟的也不多。不過比起科主任遲遲不來註銷,總比沒有好。
再掃到這一層,雖然這本書是2003年買的,但我決定拿出來仔細看。自然療法有時已經夠離譜,但跟這本書相比簡直小巫見大巫。
你有冇諗過﹕止痛藥會導致唐氏綜合症、(很明顯這人對遺傳學一無所知)
受傷用止痛藥消炎藥會生癌、(由佢發炎死啦)
食奶粉會導致弱智(大頭嬰兒﹖)和猝死(咁點解我仲未死既﹖)、
花旗蔘、涼粉、涼茶、龜苓膏、苦瓜會導致性病、精神病、(中國人應該早就死光了)
食南北杏、白果、川貝枇杷會生肺結核(即肺癆)、
食蛇膽會生香港腳、
海洛英又會令人生性病、(同句說吃海洛英會猝死,倒是正確不過)
維他命會導致弱智、痴呆、記憶力衰退、(重點﹕很明顯這位作者就是人辦)
消毒藥水會令人生虱……結論﹕人類所有疾病、寄生蟲和傳染病都是由毒藥造成﹗
我問「上主」﹕係咪新書就一定唔註銷得﹖
上主﹕點解你要註銷﹖
我﹕因為呢本書「妖言惑眾」﹗我告訴她和助理「食花旗蔘、涼粉、龜苓膏會生性病」後,上主首肯。
「上主」﹕點解會買左呢本書架……﹖邊個買架……﹖
最緊要健康﹗
Comments (7)
XD
點解會有本咁ge書,仲要有人肯幫佢出版 gei?
冇出版社資料,係自資出版的。
俾你係出版社都唔幫佢出啦,就算有錢收都做壞個名。
呢個世界果真無奇不有。呢書應該用來展覽,引以為戒...
既然係自資出版,咁多數係作者捐俾你間學校,而上手見表面有著數就唔理咁多放上架擺都好,冇諗到本書既質素,或可造成既不良影響...
莫貪少便宜,考慮接唔接納別人既贈書都有學問喔...
方兄作出註銷既行動就真係盡左館員之責,抵讚﹗﹗
噢﹗忘了說... 可能的話,方兄不妨告知各學校的圖書館主任有此低劣之書籍,促其翻查書目,如有發現又確定如方兄所說般「妖言惑眾」,應效法註銷此書...
圖書館主任園地 (討論區)
Denise﹕我一定會保留佢當「書辦」以警後人。
倫弟﹕1. Accession number 顯示本書係買的,咁先奇。
(就算捐我地都唔係本本要)
2. 如果你上網查下,呢本書應該冇乜人有。
3. 我唔認為公開呼籲係一個好主意。
因為對於圖書館員,搞圖書審查係大忌。我可以接受有幾本講創造論既書o係度,因為至少係基督教教義既一部分,而且係歷史上的大辯論,學生有認識的價值,但係上述果本書我認為內容完全缺乏學習價值。
我要盡量避免館藏評鑑受到感情因素影響,所以我唔會以我既判斷去建議其他館員跟隨。當然,如果敝日記任何讀者認為本文有價值而傳閱,進而提醒其他館員重新評價這本書,也是好事。
不過我不會主動去做,因為我不是要搞圖書審查或焚書大會。
剛查過本書的一些相關資料
1. Google 顯示 Library Master 5.0ai Web OPAC (香港學校/機構用的聯機目錄) 有/曾經有此本書,但礙於我不是圖書館主任,未能進一步搜尋藏有此書的圖書館。
2. 未發現有個人提及本書;公共、港大、中大圖書館亦沒有收藏。但 《2004 年第22期憲報第4號特別副刊》 有列此書 (當然亦有 ISBN),證明著者是經正常途徑發行的。至於為什麼它們 (尤其是公共圖書館) 均沒有收藏這本出版了才沒三年的書,相信必有原因。
本書亦出現於商務、三聯系統,相信在書局可輕易找到。值得留意的是 YESASIA.COM 有售賣此書,看來著者也花了不少心力去推銷自己的著作,應該也是心出書之人。但 (若方兄所言屬實) 他沒有盡到提供正確、有根據資料予讀者之責,很可惜呢...
3. 所言甚是... 我沒有考慮到會出現如圖書審查或焚書大會的後果,太大意了。那唯有希望圖書館館員多加留意館藏中有否不實之書;日後採購書籍時亦要謹慎一點。
Comments are closed.