April 17, 2016
-
網購有前途嗎
搬屋後發現部印表機壞左。
今日幫電話公司填了份問卷，送$50網上購物禮券，於是上去望望有甚麼。
見到有部HP printer賣$4xx。雖然會扣$50，但如果送貨又要加$60，那即是反而要加錢。之後再上王維基度睇，個價一樣，但過$400免費送貨，即係幫襯維基平過你。但其實我都係唔多鍾意網上購物，於是七八點鐘出左去黃金一轉。
結果在黃金樓上很出名那間店，見到同一款賣$3xx，大概平七十蚊左右。同一款式但冇wifi功能的更只售$249，又平一百。
售貨員當然想推銷貴一點的，於是介紹HP另一款wifi printer，優點是前面入紙和有屏幕方便set wifi，也只是$4xx比之前那款的網上價貴少少。但這款只有黑色，不如那兩款那麼漂亮。
結果是，反正我不需要用wifi列印，買印表機來掃描多於列印，於是都係買最平那部。但我想到的是，如果連王維基那麼進取，價錢都不比人家交租開檔賣那麼便宜(黃金這一家大店已經很出名不算便宜了)，那麼在香港交通如此方便之地，做網購有何前途﹖
