December 2, 2010
-
To Bro Hin
面書答鄧璟問﹕
如果阿軒哥(錢呢﹖﹗)同我講﹕「呢個社會根本就係邊個畀錢你，你就可以做邊個既契弟喎。」
我會答﹕社會上的確好多人係咁，但係你認為果d人真係會尊重畀錢果個咩﹖你諗下叫你一聲軒哥(又一百﹗)就有錢收，同學會羨慕你有錢派﹖定係一面拿錢另一面笑你係傻仔﹖如果有另一個同學派錢，你會點諗﹖
如果你係想搏女仔留意同歡心，但係佢係咪會覺得一個自己都冇搵食能力既人仲去派錢畀人，係值得鍾意既人﹖如果佢咁都鍾意，你仲驚，因為佢其實只係鍾意你d錢，當你係「老細/腦細」黎渣。你想人地鍾意你既內涵定係你d錢﹖定係因為你冇乜內涵，所以只要人地鍾意你d錢就得﹖你既人生應該仲會有幾個十年，但係你會有幾多可渣住四萬現金o係手﹖至少我冇幾乜幾可。如果我係你，我會諗辦法去好好地用果筆錢而唔係一次過fing左佢。
其實重有私人片段可以跟學生分享的，面書的朋友也看到，不過就無謂公開了。
------------------
瑣事報告﹕
1. 近排個個周末都有事要辦，上星期家長日、這星期八三開放日，下星期還有校友聚餐、敝校開放日、校友會周年大會……(施樂結婚已經沒法去啦……仲未買賀卡添﹗)
所以這裡基本上沒時間寫。2. 新電視終於來了，雖然就算有十幾個數碼台，老媽其實也只是看那幾個。而且舊錄影機其實還能用，如果只需錄模擬制式舊台節目的話。
2.1 別問我為何買一部那麼「姣」的，看倌應該猜到是誰的主意。(否則要黑色面板的話，有大量選擇，你也別怪為何電腦廠會出一堆粉色電腦……)
2.2 一問﹕新電視有預校錄影功能，是否即是買一部外置硬碟就可以錄影﹖還是一樣要買數碼錄影機﹖
2.3 二問﹕舊電視有兩套AV插座，我用來插NOW電視和DVD機，但新電視只有一套插座。市面是否有種插頭可以一開二，把一個插座分開給兩套線插入的﹖3. 在信和上上落落，才買到《空想科學讀本3》和《別冊圖書館戰爭1》(還買了《Dr.貓柳田之科學的青春》)，之後再在尖沙嘴商務(人家是追債，我竟然要去追單
)買到《別冊圖書館戰爭2》。本來都打算把兩本《別冊圖書館戰爭》都放到圖書館，看了第一冊反而有些尷尬，因為裡面寫了女主角的初夜。雖然女主角也二十到尾了……而且也不算是色情/輔導級，情節倒是很搞笑，不過描寫性行為總令我有點顧慮。原本那四冊已入館，難道自己收藏兩本別冊了麼﹖
(我倒打算把整套《Dr.貓柳田之科學的青春》都放在圖書館，這套沒《空想科學大戰》那麼色。後者有整篇討論「如何不露聲色地偷窺」，搞得我不好意思放在圖書館，只能自己收藏。)
Comments (10)
既然有顧慮，就先拿去訓導處「送檢」吧。
2.2 我要睇過你個說明書先得，不過佢有USB埠的話有可能可以錄影，你留意下有冇檔案管理的選項。
2.3 你的新電視應該有一套AV、一套色差、2個HDMI。
解決方法係：
1. NOW(非高清版)插AV；
2. DVD機通當都有色差輸出，去電器鋪買一條色差線就可以解決唔夠插的問題。
你所講的一開二機唔係唔好，不過它唔方便之餘又阻地方。
@zeuscho - 2.2 好似有……好似「我的文件夾」咁裡面有咩「我的相片」、「我的音樂」……
2.3 返去睇下先，thanks!
@beanchung - 訓導才沒空陪你看書 XD
照睇Specs，你部新電視沒有輸出外接硬碟或USB的插口。
多重影音訊號，幾入一出的AV Selector，很普遍，不貴。
不必買要插電源有遙控的selector，mechanical按鈕式的passive 款式即可，講一下，貼個label在上面，按邊個睇乜，伯母一定識用。
@chris - 有USB插口呀。
像上面的仁兄建議，如果色差線不貴的話，買一條接駁DVD機總方便過用selector啦。
如果唔貴的話，乾淨買條HDMI線都仲得添 :p
我本來都唔覺得姣的，但見到 Kawaii Anywhere 便忍不住想笑 XD
@栗姐 - 的確頗 kawaii，不單機板簡潔，機背還竟然刻上樹枝紋……不過在背後誰見到呢﹖
巴別塔建塔6週年紀念文：暗黑篇
不要問
只要click
@羅綺星 - 你買定花生了嗎﹖XD
既然絕交，我就不想理他怎樣罵啦。
Comments are closed.