February 12, 2010

• A thought experiment

  [思想實驗]

  話說，A字人在工聯會揮春攤位，取得「禮義廉」揮春乙張。

  然後bigarnex在他的facebook裡，認為這種行為是「傷害寫字的老伯」和「不尊重人」。

  在提出在下的想法之前，我想給大家一個思想實驗﹕

  「岩岩隔黎有人貼左張相, 頭條新聞請投訴合唱團上去, 佢地就著住件"民建聯最無恥"T恤, o係後台同劉江華合照 (真人真事)

  咁究竟
  1. 佢地係咪"唔尊重"劉江華?
  2. 劉江華有冇"被傷害"?
  3. 佢地係咪"利用"左"頭條新聞"同香港電台?
  4. 頭條新聞同香港電台是否"被傷害"?
  5. 批評A字人既各位, 係咪打算譴責上述既做法?」

  請你自己想想，這裡是我的答案﹕
  1. 既然劉是民建聯一分子，合照時明諷他們「最無恥」，當然不是尊重他的做法。
  2. 不覺得，畢竟政客面皮厚過地殼(尤其是「最無恥」的民建聯，這是後話)，他覺得受傷害就不會合照。
  3. 借位拍張照片而已，既然他們的工作人員不阻止，即是覺得沒問題囉。
  4. 肯定不是吧﹖

  ---

  以下是在下對「A字人巧取揮春事件」的看法﹕

  1. 個問題係﹕究竟老伯有冇覺得被傷害先?

  點解議員叫佢唔好寫佢都繼續寫, 可能就係因為佢純粹鍾意寫字, 其實你用黎賀年定贈慶佢都冇所謂呀!
  (其實我唔多信一個識寫大字既老人家會唔知道"禮義廉"有乜含意, 不過這是後話)
  依家所謂有受傷害冇受傷害, 都只不過係我地呢班旁觀者o係度噴口水花, 邊個知老伯點諗?

  2. 其實寫幅字諷刺某黨派, 有幾"惡行"呀又?
  如果寫果個係司徒華, 你地會話司徒華參與"惡行"麼?

  你地唯一介意的事, 只不過係"利用", 因為個老伯未必知道佢寫既字係用黎窒某黨派既
  不過老實講, 如果個老伯有在意過呢一點的話, 就唔會議員要收手佢都繼續寫吧.

  唔通有個人去泛民攤位搵阿伯寫"反中亂港"又傷害左個阿伯?
  成件事"受傷害"既只係"某黨派"吧, 因為用左佢地張紙去寫窒佢地既說話

  3. 如果話問題係"尊重", 咁更加唔關個老伯事, 因為明眼人都知道A字人諷刺既對象係某黨派, 而唔係個老伯

  如果"唔尊重"就唔應該做, 咁根本連高叫"民建聯最無恥"這句話也不應該, 因為這是"不尊重民建聯". 我經常說他們是"民賤聯"似乎也應該是受批判之列矣

  (補加一句﹕罵李鵬是「屠夫」也很不尊重他的，不過他會否受傷害我就不知道了 )

  結論﹕或者應該咁講: 我唔係話A字人"岩"(佢可能利用左一個無知老伯), 不過亦唔認為要講到傷害老伯咁嚴重, 充其量只不過"借人過橋"而已。

  (又補一句﹕老伯不聽議員的話繼續寫，說不定他也不過是「利用」這機會過書法癮……)

  ---

  庫大的意見﹕勿讓揮春變成借箭的草船

  「不論是曾鈺成還是工作人員寫五區公投／禮義廉揮春，表現出來的氣量都會變成民建聯的分數－－公眾覺得他們明知被玩也肯寫，會同情他們；如果有義工不知被玩而照寫，也會得到同情分。」
  「要射箭，請集中火力射他們在普選議題欺騙選民、社區事務無水不抽、支持六四屠殺、支持高鐵天價撥款、要求警察鎮壓民眾等等事實。這些才是真正會令公眾看清他們真面目的東西。」
  「可能大家覺得我太認真，不過我就是討厭他們到一個程度是連一個位也不想給他們上。」

  • 3:38 am
  • 5 Comments