May 25, 2009

• 看了《鏗鏘集》，與亞視的婊子牌坊相比，大家就明白一個公共廣播機構，對香港有多重要了。

  見到無線介紹方舟樂園，如果無線那句「介紹方舟時期的生物」沒說錯的話，同場出現的三葉蟲似乎已證明那是一個搞年輕地球論的反科學基地。值得留意和準備批評。(有心人請參與facebook香港科學教育關注組)
  如果它只是說方舟故事，我還可以把它當成基督教的「虎豹別墅」，尊重其宣傳信仰的自由。但踩過界搞偽科學就不能容忍。

  ----------------

  (可能有人又會話，批評果D質疑六四既人就是破壞言論自由。那麼我只好說兩個字﹕畜生。)
  

  (謝志偉﹕今日城市論壇主持，昔日六四屠殺見證人)

  電鋸﹕何謂屠城

  「屠龍，是指一個人是有意去殺掉龍，再將龍宰殺。」

  林忌﹕孫中山走佬十次又如何﹖

  「柴玲第一個走佬，就算係又點呢？共產黨捉人係唔係捉阿頭先？第一個要捉你，你唔第一個走，留到最尾呀？孫中山搞革命都失敗走佬成十次，乜孫中山次次都企在前面第一個等清兵捉？」

  「成班土共或疑似土共的藉口：六四真相冇人知－－梗冇人知啦，因為政府唔畀人查；等如推翻納粹黨之前，都冇人知屠殺猶太人的集中營死幾多人；知道真相的趙紫陽因此被軟禁至死，例如富商黃德輝，佢的生死都冇知o架，所以在真相出現之前，警方都唔能夠查案，唔能夠拉人，明冇？
  最惡就係呢 d，殺完人、拉完人、然後就連查都唔畀你查，因此你永永遠遠，都唔能夠查，都唔能夠檢控；同學仔，你知唔知道咩叫表面證據成立？用你地的邏輯，香港警察唔使拉疑犯啦，定左罪先拉啦笨。」

  「林忌聽完之後覺得佢真係好鬼死過癮，用番佢相同的邏輯，其實沙士唔係疫症！H1N1 唔係流感！點解呢？黑死病在十二世紀殺死歐洲三分一的人口，就好似南京大屠殺的比率相同，因此沙士只在七百萬香港人之中殺死 299 個，又點算疫症呢？……
  仲有，呂志拿話六四死傷者有解放軍，就正如沙士同西班牙大流感之中的死傷者，其實大家唔應該忘記除左人之外，仲有細菌！你話係細菌殺死人，定係人殺死細菌呢？定係用以上面班膠人的偉大邏輯－－如果唔係人的免疫系統主動攻擊 d 細菌，細菌又點會還手呢？所以說，細菌殺死人，人－－特別係負責指揮人的腦部，就好似學生領袖咁要負上最大的責任！！！」

  林忌﹕呂志偉再次扭曲歷史

  「1919 年的五四運動，近千名學生被捕，特別在 1919 年 6 月 4 日北京有七百名學生被捕，最終都在 6 月 5 日全數獲釋，北洋軍閥沒有開槍，沒有殺人，更沒有秋後算帳，因此學生唔使走佬，學生領袖唔使坐監，唔會被呂志偉風涼咁講話佢地去左美國。（王丹在台灣，原來呂志偉認為台灣成為美國的一部份？）……和那些今日天天說是學生先動手，說有人燒軍車的虛假指控，就算全部屬實，比起 1989 年六四事件七十年前的五四運動之中，中共的反應仲要衰過北洋政府一百倍，一千倍，一萬倍。乜中國人連五四時代都不如？乜中共連北洋政府都不如？乜中國的人命仲賤過北洋政府的年代咩呂志偉？」

  「點解五四運動堅持對主權不可退讓，今日呢班呂志偉之流大讚之餘，卻連對釣魚台問題不發一聲？呂志偉為何更對香港政府禁止保釣人士出海不作一聲？」

  「五四運動的其中一個學生領袖，佢就叫做周恩來，當時佢係天津覺悟社領導人，後來仲成為了毛澤東的得力助手出任總理，而六四事件血洗天安門其中一個要負最大責任的人－－當時的總理李鵬，就係五四運動學生領袖周恩來的契仔！七十年前有份參與打高官，燒高官家，發表政變聲明的周恩來，佢個契仔就在七十年後下令殺學生，你話啦，五四運動同六四的分別，有幾咁大呢呵？」

  「陳獨秀、周恩來之流，就係勾結外國勢力，接受蘇聯的援助，甚至接受蘇聯的軍事訓練，提供武器，在廣東省同孫中山合作，後來一齊出兵去用武力推翻當時位於北京的中央政府！比起今日的學運領袖走去做 CEO，走去從商，走去做教授，你話分別幾大呢！原來呂志偉好唔順眼今日的學運領袖唔去接受外國的軍事援助，好唔滿意學運領袖唔走去用武力推翻中國的人民政府！」

  林忌﹕由港大到皇仁的滲透

  「這就是中共摧毀香港精英的計劃－－從港英的高官中找叛徒，提升高官中的廢柴，迫走高官的有志之士；用垃圾去毀滅香港精英學校的校譽，以高幹子弟、內地學生等去「騎劫」校譽，令名校生成為恥辱，令香港上層社會毀滅的同時，造成「人民的內部矛盾」，令你們鬼打鬼。……無他，一般人加入的政黨一定比起政黨的數目少；入讀的學校一定比起沒有讀的學校少，於是今日找一個港大膠人，明天出一個中大之恥，後日再來一個科大的醜角，於是各大互相仇恨鄙視，大家忙於內鬥而忘記外敵，幾十年來的劇目都相同，就正如 2012 的特首選舉，幾頭馬車不是開始鬥過你死我亡了嗎？」

  林忌回應皇仁匿名學生﹕(他說老師有教六四和播放紀錄片)

  「每間學校、大學都有不同傾向的老師和學生，但居然以學校沒有教為名，卻會出席中學生聯盟的活動，再高聲說這樣的說話，這種動機就令人非常質疑。」

  世澤﹕認住呂智偉呢條福佳

  (當然冇變質，相信佢地由始至終都係收中聯辦既錢。共狗性質始終如一。)

  世澤﹕北京大屠殺是軍事叛變的結果﹖

  「由於六四是鄧小平，以至個別反黨總書記集團的責任，中共不必負上全責，這對中共的保全很重要。」

  future.less﹕一個蘋果加兩個橘子加三個芭樂

  (Google大神的勁敵)

  • 10:59 am
  • 22 Comments