August 25, 2006

• 今天精神得多(很簡單，因為藥吃完了)，但沒有大事。
  繼續跟進訂報和參考簡介，追到兩點先食飯。

  ---

  又借人家的 blog 來寫自己的文﹕

  在有涯小札—九大行星只餘八顆﹗的回應

  冇關係架。
  太陽同月亮都唔係行星，獅子座同巨蟹座咪又係咁。
  春分點去左雙魚座過千年，十二宮都冇郁過。(雖然有人玩過十三星座)
  甚至成條黃道早就移動左，依家橫跨十四個星區，十二宮都冇改變。

  星相學同天文學已是兩回事。
  如果有任何人仲覺得星相學可信(基於星相同天文既關係)，根本就係一種悲哀。

  又，其實未發現「三王星」之前，唔通天蠍座冇守護星﹖
  錯﹗
  依家被視為天王星守護既水瓶座，當年既守護星係土星。
  海王星守護既雙魚座，本來既守護星係木星。
  而天蠍座，原來既守護星係火星。

  班星相家見班科學家發展乜野，就拎黎吹一餐o者。
  (其實依家星相學，早就唔只九大行星。只要你肯俾錢的話，好多小行星，都已經有星相家會幫你推算。)

  讀多D星相學既書，就會知道佢地幾荒謬。

  (又，其實我對這新聞沒甚麼興趣。天下的星星從來不會因為我們的稱呼而改變，無論怎樣叫，它們還是在那裡轉，名份問題只有對人類才重要。
  我比較有興趣的是，他們「規範化」的行星定義，這才是正經。

  正如水星沒有水，金星不見得多金，火星難以生火，木星種不到樹，土星沒有泥土……地球，不也是貧者無立錐之地﹖)

  ---

  最新身家財經報導﹕

  方潤日記「悶死人贖回建議」被小股東駁回。由於新股民入市，訂閱人數重拾升軌。本日收市創出 88 新高峰。
  某主席表示震驚，並聲稱願意隨時把旗下三分一訂戶轉移到名下慈善基金。

  足印指數於七百點左右窄幅徘徊。由於西太平洋氣壓平穩，展望未來幾日華南地區天氣大致晴朗，不會有颱風。網市交投淡靜，後市缺乏承接動力。

  ---

  今晚與 PCEd 舊同學飯聚，有事請電聯。

  • 5:32 am
  • 3 Comments