December 27, 2005

• [特別號外]

  
  

   

  
  

  邦兄即將結婚，方潤之網仝人恭賀﹗
  (畫外音﹕成個網頁好似係你一個寫之嘛…… )

  
  

  根據可靠消息(其實即係當事人 )，邦兄於港大進行博士研究期間，與同學情根深種。縱然邦兄已遠赴英倫，情難阻隔。故鐵定於來年四月一日，與佳人共諧連理 。誠可喜可賀也。
  (選愚人節當老襯，亦可證邦兄之幽默 )

  
  

  中大獨身會永遠榮譽會長方潤接受訪問時，對邦兄突然退會表示十分震驚  和妒忌 。

  
  

  八三寡佬專家人渣平(此「人渣平」不同彼「人渣」，非中大院委之人渣。古語曰﹕三人行，必有一渣焉。)表示，繼流感高峰期來臨之後，零六年將為我輩同學結婚高峰期。人渣平呼籲各寡佬盡早完善儲備以防受炸，及做好應付「人有我冇」之酸溜溜心理準備。

  
  

   

  
  

  花絮﹕
  方某人決定對老媽封鎖是項消息，以免遭受無謂騷擾。
  (封鎖得幾耐丫…… )

  
  

  -------------

  
  

  奇事﹕有學生問我「睇唔睇戲」。(相信唔係淨係問我「睇定唔睇」掛﹖)

  
  

  問題係，我根本就唔鍾意睇戲(太空館節目除外)。一來要俾錢，二來又唔見得好睇過屋企唔使俾錢既電視機。
  (今年既電影，幾年後電視都睇得到……何況，就算免費我都好少睇。所以對於那些聲稱「港產片唔好睇所以睇老翻/BT」的人，我完全不能理解—唔好睇仲要睇﹖雖然我唔睇唔係因為覺得港產片特別差，反正我連外國片都唔睇。)

  
  

  當你屋企裝左寬頻電視，連 Discovery Channel、National Geographic 都有得睇……你仲需要出街睇戲咩﹖

  
  

   

  
  

  其實有好多野我想睇既﹕

  
  

  1. 歷史博物館既粵港澳文物大展。
  2. 科學館既幻影。
  3. 文化博物館既新彊文物展。
  4. 太空館既電影s。

  
  

  功課做黎做去都冇乜心機(唔係冇進展既)，做完又有下一份……
  我諗呢個禮拜尾應該可以去睇下掛﹖

  
  

  何況看展覽和看書一樣，閱讀都是一個人的事(所以「讀書會」對我來說是一件很難理解的事)。

  
  

  大概下半生我也會獨自看展覽。

  • 1:52 am
  • 5 Comments