November 13, 2005

• o係敝日記某訂戶處看到這個 blog tag﹕

  
  

  
  

  「被點到的人要依照以下規定在blog回答你理想伴侶的8個條件 :
  1. 必須註明你的理想伴侶是男是女
  2. 理想伴侶的8個條件
  3. 必須點8個人跟你一起玩這遊戲, 並到對方處留言:
  4. 如果被點名者已玩過這遊戲便不用再post一次」

  
  

  雖然沒有點我—點我也未必會寫，不過我又想引其他朋友去寫，所以「要睇人，先要睇自己」……

  
  

  1. 當然係女，就算全世界冇晒女人我都唔會對男人有興趣。
  (如果全世界得番夏蕙姨同男人又點﹖咁即係冇女人啦。)

  
  

  2. 其實冇八個咁多，不過也可以勉強說八個……
  A. 必要條件﹕
  2.1 心地好。心腸唔好講乜都冇用。
  2.2 自然。無論樣貌身材定生活動靜，我無法忍受經常整古做怪既人，尤其唔想佢對住我仲要化妝。如果佢份工要化妝咁我當然無話可說。
  2.3 了解我。過人世既當然要求一知己。
  2.4 包容我既缺點。缺點不可愛，但至少接受得來，否則幾十年悠悠長，佢點捱呢﹖
  B. 次要條件﹕
  2.5 價值觀接近。睇法唔一定相同，不過背後既價值觀至少唔會差天共地。(如果同個親中派一齊，就冇乜可以 share，否則日日開場城市論壇就好冇癮。)
  2.6 興趣相投。非必要，但如果興趣南轅北轍就好難一齊玩，「冇咁好」啦。
  2.7 可以理解。如果我無法理解佢既心理，很難令佢開心。
  2.8 有生育能力。沒辦法，我是獨子……不過如果真係鍾意又唔得既(鬼知係咪我自己唔得咩…)，都冇計架。

  
  

  C. 其他「市面」經常聽到，不過唔係我既條件﹕
  C1. 樣貌﹕其實冇乜要求，順眼就得。(順眼 = 不討我厭，當然你可以話「順眼」都係要求既，但係我諗冇乜人會同個自己討厭既人一齊掛﹖)
  C2. 身材﹕同樣冇乜要求，有就得，大小不拘。
  C3. 處﹕雖然我覺得婚後做比較好，不過我冇處女情結。我會介意人地對性行為態度隨便—例如一夜情果類。如果係有責任心既人，兩情相悅發生關係其實唔係罪。(你自己都想做既野，何必因為人地做左先而嬲﹖)

  
  

  3, 4. 我話過唔會做呢種事—雖然我寫黎就係想「拋豬引肉」釣其他朋友出黎。
  願者上釣，想寫既就寫啦。

  • 10:09 am
  • 2 Comments