February 21, 2008

• [三件小事、一件大事]

  昨天五點幾收工，在路上遇見鳳凰同學。由於我正在按手機找號碼，所以沒望她。

  鳳凰同學﹕「方 sir 咁早走既﹖」
  我 ﹕「都唔算好早下話……」(唔係逢老師都要夜晚先走下話﹖)

  到我肯定找不到那號碼之後，又遇見小妹同學。

  小妹同學﹕「方sir，乜你今日咁遲走呀﹖」
  我﹕……  (我平時都係差不多o者，又唔好講到我成日早走……)

  -----------

  又是昨日。

  主席﹕「你網上面寫果 d 野你係咪真係識晒架﹖」
  我﹕「唔敢講識晒，但係至少都係『以我所知』下話，唔通我作架咩﹖」
  主席﹕「你寫 d 野好冷門。」
  我﹕「如果唔係咁冷門，早就俾人迫爆。」

  今天，去課室找某生，找不著。

  某女同學﹕「方sir 我睇到你本書呀……(下刪讚美一百字)……你幫我簽個名丫﹖」
  我﹕「妳買左書咪拎黎俾我簽囉。」
  某女同學﹕「冇買呀﹗」
  我﹕「咁妳打算拎咩黎俾我簽﹖」

  -----------

  今天開會，原來學校決定繼續借「艷照門」入題搞道德教育。(至少，講埋下個禮拜)

  (又，如果說找文章，我敢說很多博客寫的文章，論理都比報章更精闢深入。反正這件事件中報章都各懷鬼胎，兼借事件大賺一筆。如果說想藉此為偷拍翻案的生果報是魔教教主任我行的話，扮中立的知識份子報就肯定是岳不群、明幫娛樂公司的偽中產報是左冷禪，當然還有扛著黃旗打黃色的東方不敗了。
  當然，那些博客文章是否合乎校方脾胃，又作別論。)

  回到圖書館，繼續處理我先前影印給學生看的雜誌文章。(當然跟艷照無關，不是明報月刊就是選擇)
  組員們見到我剪輯的雜誌，知道這些就是遲些給他們看的晨讀文章。

  我﹕「不過呢堆有排都唔出啦，你地呢排都會俾『閃卡事件』轟炸住。」
  組員們﹕「咩閃卡呀﹖」
  我﹕「你地扮純情、扮『好天真好傻』下話﹖」
  組員(對另一組員)﹕「喔…… Yes! 果d 明星閃卡……」

  我面對著這幾個中一中三的組員﹕
  「如果你地真係咁天真，我係咪應該要感動流淚呢﹖」

  -----------

  我諗極都唔明，張點名紙上面第四個圓圈究竟是誰劃上去。
  我自己明明劃了十六劃、兩個圈﹔然後交給鄰組老師，他說畫了一個圈。圈的都是去參加足球賽的學生。
  那麼為何會有第四個圈呢﹖

  儘管不用被點名批判，不過這隻鑊都等於「硬食」的了。
  因為說不關自己事，實在沒人會信。唯有相信是我自己搞錯了。

  • 7:09 am
  • 3 Comments