December 7, 2007

  • 出口轉內銷之一﹕因為剛巧有位中學師妹中大畢業，替老董不值。

    學生會當然搞政治，唔搞政治就唔需要學生會。問題係點搞。
    點搞都有人唔滿意既，就係再之前李光耀果次，場內報社電台成員站起來背向講台靜默抗議，都俾人話遮住後面。
    不過我係贊成靜默抗議的，因為好似今次咁，反而俾老董拎晒分。抗議到效果相反，不如唔抗議。

    騷擾左今年既畢業生就肯定，但係究竟對董生fair唔fair，就睇乎妳覺得佢襯唔襯得起「法學」博士呢個銜頭了。
    我就覺得他擔不起。

    不過似乎更離奇的是，我在電視聽到最大聲的，是「全民退休保障」。
    他們(非學生會幹事)的目標，似乎是曾蔭權多於董建華。似乎他們才是最應該俾怪責的吧﹖

    為何無論發生甚麼事，都是學生會幹事被罵的呢﹖作為曾經負責監察這些幹事的人，我也覺得很奇怪。
    也許就正如在政府當官，當上幹事就應該有被罵的覺悟吧﹖

    出口轉內銷之二﹕佢來自德成
    見到刁民的文章，也許亦應該把我在林忌那邊的反應貼過來﹕

    老實講，批評陳太往事，可以想像。妳昨日為官，今日變議員就批評政府，當官的當然會翻舊帳。
    但作為官員，拿議員的名字來「窒人」，不可想像。
    不可想像當官鬧議員，有如當年楊永強。

    原本曾德成上場，大家仲以為總算俾老左一個發揮機會，等佢地證明下自己做得野。我都對佢有D希望，希望佢證明到左派唔一定係維園阿伯型。
    點知，土共即係土共，令人失望。

    (反而，如果睇無線的話，馬時亨果番話，又唔係令我咁反感。佢只係提醒在座好多人—包括陳太—當年都有份做決定而已。)

    出口轉內銷之三﹕奉 amo 諭，把這段粗口文化抄過來。

    咪話，家母真係曾經被嚇親。

    當年岩岩由星加坡嫁黎香港，有日同家父行經廣東道(當時他是玉器行家)，突然聽到一個人字正腔圓地大叫﹕

    「X你﹗」

    老媽以為有人尋仇(大概是黑社會斬人前奏之類)，立即閃避，怎料老爸轉過頭來﹕

    「X你﹗食左飯未﹖﹗」

    (同場加映﹕Chris 廣東話搞笑版《討武曌檄》上、下)

Comments (3)

Comments are closed.

Post a Comment