June 28, 2005

  • 是日名曲﹕天佑我們。


    第一喜﹕冇落雨。
    第二喜﹕由於校方合作和各位落力，十一點已經做剩最後半班。就算交番大半個場俾人，都可以完成到。所以唔使出外面，落唔落雨都冇所謂。
    (又邀功﹕其實我地成朝都只係用左半個雨天操場，另外半個人地冇放俾我地用架 )


    不過間學校幾麻煩，明明由 W 主任負責，偏偏副校又會黎出聲勸我地出去外面做。好彩冇應承，今日出面曬到死。


     


    返去頹左個幾鐘，走人食飯。


    本來貪快如我，通常都會去老麥，咬完個包即刻去搭車。
    想起她，又想起她很喜歡吃的牛肉飯，於是走去做漢奸。
    (反正唔係美帝就係日本仔啦 )
    我好少食牛肉飯既，其實來來去去都係點煎雞飯。
    只係坐o係度會令我想起她的笑臉。


    鋪頭竟然播緊楊千嬅首《小星星》既音樂盒版……
    (作曲﹕陳輝陽 / 作詞：林夕)


    　當天應該得七歲　我想喝媽媽的汽水
    　把它搶在掌心裡　大人無法迫我睡
    　他跟她今天竟飲醉　我想搶的不止汽水
    　輸光自尊也鬥下去　壓力大得慾望都失去


    　一閃一閃小星星　開開心心的唱詩
    　但為何一畢業才知　一世我也要考試


    ＊誰也好　即使愛侶都沒有必要待我好
    　甜或酸苦都一樣當寶
    　誰亦會計數犧牲才得到的快樂　亦沒什麼味道
    　難怪我雙脅插了刀　為搏他答謝也好
    　亦沒法開心得這樣早
    　誰願欠我一世　人間散步
    　善良人永遠天真到　做好心不信得惡報＊


    　終於都跟他分手了　我開過的心不算少
    　今天起睡得夠最重要　以後幸福亦未必敢笑


    　Ｒｅｐｅａｔ＊


    　一閃一閃小星星　簡簡單單一輩子
    　就從頭到尾哼一次　忘記智商去做人都願意


    然後拿著一杯「很抵飲」的汽水上車。
    (抵飲係因為由沙田飲到城門隧道轉車站先飲完 )
    想著上星期見到《蘋果日報》有專家建議﹕為免蛀牙，應該用飲管把汽水直接送入口腔，避免觸及牙齒。
    二字記之曰﹕發瘋。你估餵 BB 飲藥水咩……人地飲汽水就係為左甜味丫嘛，中學生都知道甜味味蕾靠近舌前、苦味的才在舌根啦﹗
    完全不知味，咁樣飲汽水，倒不如叫人唔飲﹖


     


    回家打算直接拿書送上學校，怎料見到煤氣公司的人……今天有檢查。就在踟躕應否在等他們上來。
    之後想他們明明在樓下，沒可能蠢得向上走檢查，所以應該早就錯過了。
    就在等電梯的時候，就見到他們上來找我……原來他們見到我在張望，知道我是錯過了的那家，專門走上來啦﹗


    很感動 ，今時今日既服務態度呀﹗


     


    拿著兩本大書上學校，圖書館只剩下 Miss Lam 和 LA。
    Miss Lam 問﹕點黎架﹖
    答曰﹕都係送既，一本《黎文偉﹕人、時代、電影》係訂明報月刊送既﹔另一本《永恆的剎那》就訂 National Geographic 送既。
    Miss Lam 既好問題﹕點解你唔送番自己果間﹖
    我﹕我冇用丫嘛，呢D書我要黎做乜。(黎文偉留番俾黎姿好過)
    Miss Lam ﹕我係講緊你就黎去做果間。(我以為妳講緊我屋企間「圖書館」嘛 )
    好簡單，因為果間實在太細，呢兩本野咁大，我驚塞爆佢。
    LA 姨姨問左我好多次「你真係要送俾圖書館丫嘛」，好像我費力「抬」兩本書上來是為著作弄她似的。


    跟正兄「交職」未有明細前，先順道探路，就問讀書會的事。
    我想知道的是程序，Miss Lam 卻先教訓我，諗清楚目的再算。
    (留意﹕又係「目的與程序」之爭呢……)
    即是都係要問清楚正兄先有得諗啦。


    Miss Lam 自稱很「內疚」的事﹕不斷警告我最差的情況和質問我的決心……佢話驚一席話搞到我失眠，其實睇開呢度既人會好清楚﹕就算佢唔講我都隨時可以失眠。


    都冇教訓錯既﹕賴學生曳唔係理由，因為老師冇權揀學生。
    入左又走走左又入係浪費時間，很擔心你到三十歲都未搵到自己條路……我都唔知，呢句話我早幾年已經講左(驀然回首)。


    我都睇唔到除左圖書館仲有乜野係我鍾意做又做得到既野。
    否則我唔會為「浸親」既 invitation 黎得遲而可惜。


    就黎讀完《哲學的追尋》，讀到佛家無明之苦。
    唔知點講。
    三個字轟然入目﹕「貪、嗔、癡」。


    其實她不跟我一起是正確的選擇，不因為宗教，亦不因為我窮(現實問題不是本質問題)……而是因為我自己也不知道自己要做甚麼(無論愛情或事業)。


    我只不過想對著D書過人世o者，仲乜咁複雜架。


    --------------


    是日讀報﹕


    葉蔭聰﹕公民社會 不夠膽量 http://hk.news.yahoo.com/050627/12/1dy06.html
    馮煒光﹕鼓勵激進 窒礙民主 http://hk.news.yahoo.com/050627/12/1dy02.html


    中間路線是最難走的，很容易就會被極端淹沒。
    理性和氣不等於沒立場，但需要有鼓勵的環境。
    而傳媒最容易卻是鼓勵極端，變成民粹主義的推動者。


    不過老實說，作為讀者的我們，又有多少個有興趣看李永達的政綱﹖(我冇)
    對戲劇性的追求，令傳媒著重「時事娛樂化」(infotainment 與之焉﹖)，便成為政客「出位」的誘因。
    最後政客靠偏激才能生存，台灣的淪落還見得少嗎﹖


    又更加可惜的，追求刺激、注意例外是人的天性、求生本能。除非後天修養極之努力，否則鮮有人對「出位」視而不見者。
    (對「出位」視而不見，極有可能一行出街就俾車撞死…… )


    可是很吊詭的，人喜歡看「出位」，卻又喜歡「棒打出頭鳥」。
    於是大家一起平庸，然後爭相觀看別人出位。(尤其政客或藝人﹖)


    忽然想起以前看過的比喻﹕就像羅馬人看鬥獸一樣，純粹娛樂，己不勞神，你死了活該。
    可是，政治不是「眾人之事」嗎﹖
    把自己的事娛樂化，豈不是跟自己開玩笑﹖


    政治容納平民，平民又明白政治是自己的事，就玩不來了。
    就是認為事不關己，才會把大事當兒戲。
    但也就是因為你從來「冇份」，所以才事不關己。


    --------------


    又是抄文時間，又是抄正兄在歷史系地下谷貼的文(原作者不詳)。不過實在有些意思，值寫 blogger 一看﹕


    1. Blogging for fun ,for yourself, at least at beginning
    2. don't force yourself to blog just for periodically update.
    3. don't limit your blog to min. or max. length.
    4. don't blog just for audience.
    5. don't be afraid of opposite comments.
    6. Blogging is to share your thought, your opinion, not your "me too".
    7. Blogging tools and interfaces are for convenience, not for "Wow! so
    fascenating!" The same as your site layout.
    8. If you don't want someone reading your blog, never put it on.(Even
    he/she don't know you have a blog)
    9. Try to remember why you are blogging.
    10. forget the first 9 rules. use the 10th instead: BLOG FOR YOURSELF!


    一、至少在開始時是為了你自已以及興趣而 blog。
    二、不要迫自已為了有規律的更新而 blog。
    三、不要限制你 blog 的最大或最小長度
    四、不要只是為了觀眾而 blog 。
    五、不要害怕和你意見對立的迴響。
    六、寫 blog 是為了分享你的想法、你的主張，而非無義意的附和。
    七、寫 blog 所用的工具和界面只是為了方便而已，而不是為了「哇！這真是迷人啊！」。相同的準則也用在你的網站配置。
    八、假使你不希望某人閱讀你的 blog ，那就別把它放上去。（即使他/她並不知道你有個 blog ） 。
    九、試著去記住你為何要 blog 。
    十、忘記前九點吧。並且使用第十點： 為了你自己而 blog。